2008-08-14 / 19:28
 Hegoaldeko koordinadora abuztuaren 16an Bilbon
  
 
Iratzarri gazte erakundeak hilabetero burutzen duen hegoaldeko koordinadoraren asanblada ospatuko du abuztuaren 16an Bilboko egoitzan (Aretxabaleta kalea 4, 1. solairua, Indautxu plaza) eguerdiko 12:00etatik aurrera. Ohikoa denez, asanblada irekia izango da Iratzarriko ekintzaile guztientzat eta Aralarko afiliatu gazteentzat. Bilboko jaiak direla eta, gainera, hiriko iratzarriren asanbladak kanpaina berezia prestatu du "Jai herrikoi eta partehartzaileak, Bilbo hiritarrona" lemapean, eta jaiak irauten duen 9 egunetan hirian zehar aldarrikapen ezberdinak zabaldu nahi dituztela argitu dute. Gainera, kanpainaren materiala gune ezberdinetan herritarrentzat eskuragarri izango dela adierazi dute.
 
 
2008-08-07 / 14:16
 "Kontsulta independentziarako lehen pauso bat da, abertzaletasunak autodeterminazioaz hitz egiten 40 urte daramatza, pausua eman dezagun"
  
 
Prentsaurrekoa eskaini du Bilbon Iratzarrik Euskal Herriko gazteriak bizi duen egoeraren inguruan, Euskal Autonomia Erkidegoan egingo den kontsultaz eta erakundeak urrian ospatuko duen kongresuaren inguruan hausnarketa publikoa egiteko. Fabio Gonzalez antolakuntza koordinatzaileak, eta Leire Martinez eta Joseba Osoro Bizkaia eta Gipuzkoako asanbladen ordezkariek kontsulta "inoiz baino beharrezkoagoa" dela
 
 

azpimarratu dute, eta "independentziarako lehenengo pausua" dela adierazi. Aralarren gazte erreferentearen usteetan, ordea, "kontsulta bera ez da nahikoa, baina honek Euskal Herriko beste herrialdeetan antzeko ekimenak aurkeztea ekarriko du", gainera "legebiltzarrak lege izaeraz" onartu duela azpimarratu dute, eta "euskal jendarteari subjektu izaera ematen diola".
Iratzarriko kideak egungo egoeraz ere mintzatu dira, eta gazteok krisian urteak daramatzagula salatu dute; "prekarietatean eta 1000 euro baino askoz soldata txikiagoekin". Ildo honetan kokatu dituzte "Europar Batasunetik datozen direktiba antisozial, arrazista eta kaltegarriak. Hezkuntzan, Bologna prozesuarekin 40 urte atzera goaz, unibertsitatea ezagutza bultzatzeko denon zerbitzu izatetik enpresa handien zerbitzura egoteko tresna izatera pasako delako".
Azkenik, Urriaren 3, 4 eta 5ean "Independentzia, sozialismoa, gazteria, PREST! lemapean Donostian ospatuko den kongresuaren zenbait zertzelada eman dituzte Iratzarrikideek, "parte hartze eta proposamenetara zabalik" egongo dela, "ekarpen guztiak kontuan hartuko direla" azpimarratu dute, eta nazioarteko presentzia ugaria egongo dela iragarri.

  
 
2008-07-28 / 18:34
Iratzarri Konpostelan egon da Dia da Patria Galegara gonbidatuta
  
 

Iratzarrik Dia da Patria Galegaren inguruan egindako ospakizunetan parte hartu zuen uztailaren 24 eta 25ean Santiago de Compostelan, Galiza Nova gazte erakundeak egindako gonbidapenari erantzunez. Aralarren gazte erreferenteko ekintzaileek Festigal jaialdian eta Galizar nazioaren eguneko manifestazioetan egoteko aukera izan zuten besteak beste. Horrez gain, Iratzarriko kideek isca! erakunde independentista eta sozialistako ekintzaileekin
 
 
egoteko aukera izan zuten baita ere, bi erakundeen arteko adiskidetze erlazioa bultzatzeko. Ildo berean, iragan uztailaren 19 eta 20an, Iratzarriko militante talde bat Uviéun (Asturies) egon zen, fai! gazte erakundearekin elkarturik, topaketaren balorazio oso positiboa eginez.
  
 
2008-07-16 / 19:17
Hegoaldeko koordinakundea uztailaren 19an Iruñean
 
 
Iratzarri gazte erakundeak Iruñean ospatuko du ohiko Hegoaldeko koordinakundea, erakundeko ekintzaileen partehartzera zabalik dagoen hilabeteroko asanblada. Iruñeako egoitzan (Aduana txokoa 16-18) 16:30etatik aurrera egingo den bilera honetan, aralarren gazte erreferenteko kideek besteak beste "independentzia, sozialismoa, gazteria, PREST!" lemapean urte amaieran ospatuko den kongresua izango dute hizpide.
  
  2008-07-08 / 19:01
Iratzarrik JEVen udako topaketetan parte hartu du 		 
 
Pasa den uztailaren 12 eta 13an Iratzarri gazte erakundeko zenbait kidek Joves d'Esquerra Verdak (JEV-JIC) Vallès Oriental-en (Herrialde Katalanak) antolatutako "Miguel Nuñez" udako topaketetan parte hartuz zuten. Gazteria ezkertiar independentistak ezinbestekotzat hartzen du nazioarteko eta ezberdinen arteko harremanak sendotzea, eta etengabeko hartu-emanaren aldeko apustua egiten du. Aralarreko gazte erreferenteak gonbidapena eskertu nahi izan dio JEV erakundeari eta beren lanagatik zoriondu nahi izan ditu topaketaren emaitzengatik, eztabaida partehartzaileagatik eta 150 pertsonen presentziagatik.
  
  2008-07-08 / 11:44
Kapitalismoaren aurka, alternatibak eraikiz 		 
 
Gaur egun bizi garen merkadu-eredu kapitalistaren ondoriak pobrezia, gosea, gerrak, migrazio masiboak, eta askoz gehiago dakarte. Munduan, ia 4.000.000.000 pertsona 2$ baino gutxiagoarekin bizi dira, eta eskalaren goiko partean dauden herrietan, pobrezia, langabezia eta prekarietatea gero eta nabariagoak dira, bereziki gazteon artean.
 
 
Iratzarriren ustez, kapitalismoa ez da "lehenengo" eta "hirugarren" mundua borroka baten dauden eredu bat, baizik eta gizarte modu antisozial eta bidegabekoa, herri guztien aurkakoa, eta dirudun gutxi batzuen onerako eraikitakoa. Herri aberatsen eliteak biltzen dituen taldea, G-8a, kapitalismo neoliberalaren aurpegi harro eta arriskutsuena da. Horregatik Iratzarrik herrien alternatiba sozialista eta zabalaren apustua egiten du, eta alternatiba honen alde lan egitera deia egiten die Euskal Herriko gaztei. Globalizazio kapitalistaren aurka, demokrazia globala! G8 akatu!
  
 
2008-07-01 / 17:40
Iratzarri Mallorcan izan da Joves d'Esquerra Nacionalistaren kongresuan
 
 

Joves d'Esquerra Nacionalistak, Mallorcako (Països Catalans) gazteria independentista ezkertiarrak, "Construint l'Esquerra Nacional del Segle XXI" lemapean pasa den asteburuan antolatutako kongresuan hartu zuen parte Iratzarrik. Gazteria ezkertiarrak bere interesa adierazi du JENen proiektuarekiko, eta Euskal Herrian garatzen ditugun kanpainetatik hurbil dagoela ikusirik, gure erakunde gazteen arteko harremanak sendotzea eta etorkizunean anaitasun bat indartzea posible ikusi du. Iratzarrik jasotako tratu ona eta erakundearengana izandako adeitasuna eskertu nahi izan dio Toni Trobat JENeko ordezkari internazionalari, eta bereziki Joan Ferrà zoriondu nahi izan du ordezkari nagusi berriaren kargua lortzeagatik.

  
 
2008-06-26 / 19:44
 Ekainak 28: Lesbianak, transexualak, gay-ak kalera!
  
 

Iratzarri gazte erakundeak bat egiten du ekainaren 28an askapen les-gay-trans (LGT) nazioarteko eguna ospatzeko deituriko mobilizazioekin. Orain dela 30 urte Euskal Herrian (Bilbon) ospatu zen LGTon aldeko lehenengo manifestazioa eta gaur oraindik ere homofobia eta transfobia gazteen artean oso nabaria da. Iratzarriren ustez ezinbestekoa da LGTren aldeko borrokarekin jarraitzea eta horretan parte hartzea, heterosexismo eta matxismoaren aurka.

 
 
Bestalde, gazte erakundeak adierazi du PSOEk egindako psikitrizazioak gaixotasun mentalatzat hartzen duela transexualitatea, eta berriro eskatu die Euskal Herriko erakundeei egoera horren aurka egitea. Aldi berean, lesbianen ikusgaitasun alderrikatu du Iratzarrik. Askatasun sexuala denon borroka delako, Iratzarrik deia egiten die gazteei antolatu diren manifestazioetan parte hartzera.
 
 
2008-06-25 / 20:00
 Iratzarrik mobilizazio ziklo bat ireki du, bere kongresuari begira
  
 
Aralarreko gazte erreferentearen Hegoaldeko Koordinakundea, gazteriak jasotzen dituen eguneroko erasoen aurrean, lan prekarieta edo hezkuntzaren merkantilizazioatik hizkuntza eskubidetara, mobilizazio garia hasiko dela ziurtatu du. Hori dela eta, gai sozialei buruzko kanpaina abiatuko du udan zehar eta dagoeneko iratzarrikideek "Euskaraz askoz hobeto!" kanpaina hasi dute, bakarrik erdaraz dauden seinalak eta ikurrak euskaratzea aldarrikatzeko. Halaber, Nafarroako Iratzarrik bat egin du "Nafarroa bizirik 1512-2012" Iruñean ekinaren 28an ospatuko den manifestazioarekin. Mobilizazioekin batera, Iratzarriren I. Kongresua urriaren hasieran izango da eta parte hartzailea eta ezberdina izango dela aurreratu du erakunde abertzaleak.
 
   
 
2008-06-18 / 13:23
Hegoaldeko koordinakundea, ekainaren 21ean Donostian
  
 
Gipuzkoako hiriburuan ospatuko da ekainaren 21ean Iratzarriren hegoaldeko koordinakundea, erakundeko militante guztiei zabalik dagoen hileroko asanblada. Goizean Aralarrek EHUko barriola eraikinean egingo duen asanbladan parte hartuko dute gazteek. Koordinakundea arratsaldeko 16:30etatik aurrera egingo da Donostiako egoitzan (Pedro Egaña kalea 10, easo plaza).
  

+ berri zaharrak  
Berezia

Kanpainak