1.- Greba Orokor hau barneraturik gauden kapitalismoaren krisi sistemikoaren erantzun moduan ari da gertatzen. Eskubide murrizketen bidez langile-klasea da krisiaren ondorioak ordaintzen ari dena. Gainera uste dugu krisi hau ez dela ez koiunturala eta ezta partziala ere. Sistemaren osoaren krisia da eta ondorioz, ez da soilik izaera ekonomiko eta finantzarioko krisia, ingurumen, elikagaien eta gizarteko krisia ere bada, alegia, neoliberalismoaren ondorioen krisia da.

2.- Gobernu ezberdinetatik, bai Foru Aldundiek ere (eta udal dezentek ere) hartutako neurri ezberdinak salatzen ditugu. Klase dominatzailearen neurrira egindako errezetak baitira, Nazioarteko Moneta Fondoaren, Munduko Bankuaren eta Europar Batasuneko agindu neoliberalen pean baitaude.

3.- Guk sortu ez dugun krisia ordaintzen ari gara. Langabezia, inongo diru-sarrerarik gabeko pertsonak, pobreziaren igoera, hipoteka ezin ordaindu izanagatik kalean gelditu diren pertsonak, gure lan baldintzen prekarietatea etab. bidez ari gara ordaintzen eta honen erantzuleak patronalean, bankan eta erakunde politiko ezberdinetan daude.

4.- Gazte talde eta erakunde ezberdinetako ordezkari gisa uste dugu berriro ere, gazteria izango dela krisiari erakundeetatik ematen zaion erantzunaren aurrean kalte gehien jasango dituena. Esan beharra daukagu gazteon gehiengoa krisian aurkitzen ginela hazkundearen garaia amaitu zela esan baino lehenagotik ere. Urteetan zehar maila ahulenekoa izatea jasan dugu (bekadun prekario, bekadun faltsu, behin-behinekotasuna, lan istripuak, soldata baxuak …) eta krisi kapitalistaren gizarteratze honek gure baldintza prekarioak areagotzea ekarri du eta prekarietate hori langileria osora zabaltzea.

- Gastu publikoaren murrizketa. Izaera sozialeko eta lanpostuak sortzen dituen partiden txikitzea, elizari, monarkiari, gastu militarrari egiten zaizkion ekarpenak bere horretan jarraitzen duten bitartean.

- Pentsio sistemaren erreforma: Erretiro adina 67 urtera atzeratzea, pentsioa kalkulatzeko lan denbora handitzea. Beronen pribatizazioa.

- Lan Erreforma. Kaleratzearen merketzea, negoziazio kolektiboaren zentralizazioa, kontratazio moduen flexibilizazioa eta kotizazio sozialen moduko lan kostuen gutxitzea dakarren Lan Erreforma aurrera eramatea.

- Gure gizarteko zaintza lanetan logika patriarkal bat mantentzea eta lanaren banaketa sexualean sakontzea.

- Biztanleria migratzailearen kriminalizazioa. Gutxi batzuk aberasteko urteetan eskulan merke bezala erabili ondoren, egun aurreiritzi sozialera, poliziaren jazarpenera eta babes gabe ustera menderatua izan dena.

6.-Hau guztiagatik, beharrezkoa eta urgentziazkoa dela iruditzen zaigu ekainaren 29ko greba orokor deialdia aktiboki babesteaz gain, berau prestatzea eta bertan parte hartzea. Herriz herri, zentrotik zentrora gure eskubideen defentsarako mugimendu indartsu bat eraiki behar dugu:

- Krisia berau sortu dutenek; bankuek eta patronalak, eta ez soldatadun klaseak, ordaindu behar dutelako

- Eraso hauek langileek negoziazio kolektiboa aurrera eramateko duten gaitasun gainean berehelako eragina dutelako.

- Lanbide merkatuan gure etorkizuna hipotekatzearen aurka gaudelako.

Hau guztiagatik, azpian sinatzen dugun gazte taldeok, ekainaren 29ko greba orokorrean parte hartzera deitzen dugu gazteria, bere lanpostuan jasotzen dituen mehatxuei tinkotasunez erantzuteko eta dagoeneko zenbait hedabideetan lanean ari diren patronalaren piketeei aurre egiteko. Soilik langile klaseen mobilizazioaren bitartez izango gara gobernuek eta nazioarteko erakundeek inposatu nahi dizkiguten erasoak geldiarazteko gai.