Iratzarrik deialdia luzatu nahi dio Euskal Herriko gazteriari Udalbiltzaren auzia salatzeko asteburu honetan burutuko den manifestazioan parte har dezan.

Erakunde ezkerzalearen iritziz, Estatu espainolak Auzitegi Nazionala erabiltzen du tresna bezala proiektu independentistak gelditzeko eta Udalbiltza auzipetua izan dela Euskal Herriaren eraikuntza nazionala bultzatu duen instituzioa delako. Aralarreko gazte erreferenteak auzipetuei elkartasuna adierazi nahi die eta eskatzen du instituzioak lanarekin jarrai dezala.