Euskal Herria ez da existitzen
Europan, mugen eraikuntzak historikoki interes geoestrategikoei eta ekonomikoei erantzun diela kontuan hartzen badugu, herri ezberdinak aintzat hartu gabe, Euskal Herria existitzen ez deneko argudioa hutsala da. Euskaldunon herria Europako zaharrena da eta horren froga garbia da milaka urteko hizkuntza bat, gaur egun ere mantentzen duguna, euskara. Baina horren gainetik, Euskal Herria euskal hiritarrek horrela nahi dutelako, horrela sentitzen dutelako eta horrela bizi dutelako existitzen da

Euskal abertzaletasuna arrazista eta baztertzailea da
Abertzaletasuna alternatiba burujabea da. Gure lurra eta askatasuna maite ditugulako izan gaitezke internazionalistak, nortasuna dugulako errespeta ditzakegu munduko beste herriak eta integratzaileak izan. Euskal nazioaren kausarekin bategiteak lurreko herri zapaldu guztiekin elkartasuna izatea dakar. Eta ezker izaera ez zenukete sartuko zuek hemen??

Nazionalismo espainiar eta frantsesa ez dira existitzen
Madril eta Paris botere zentralizatuaren benetako foku dira eta demokrazia akastun baten babespean euren menpeko gainontzeko lurraldeei bizimodu jakin bat, hizkuntza jakin bat eta ezohiko presentzia poliziala ezarri nahi diete. Propaganda zaharkitu, gezur, antieuskaltzaletasun eta eskuin muturreko mugimenduen multzo honek sortzen du benetako nazionalismo erasokor, irrazional eta potentzialki arriskutsua.

Nazionalistek indarkeria babestu edota justifikatzen dute
XXI. mendearen erdian, euskal herriak oraindik ere indarkeriaren eragin latzak jasaten jarraitzen du. Gure borondatearen bidegabeko bereganatzeen aurrean, euskal hiritarren gehiengo zabal bat edozein indarkeriren aurka azaldu da. Ez gaituzte ordezkatzen, gure izena atentatuak egiteko erabiltzen dutenek, ezta egoera hau Euskal Herriaren eskubide nazional eta sozialak ukatzeko erabiltzen dituztenek ere.

Euskaldunek ez dute independentzia nahi
Euskal Herriarentzako independentzia edo gobernu mota autonomoak aldarrikatzen dituzten mugimendu guztiak kontsultaren beharraren inguruan ados jartzen dira. Gaur egungo egoera mantendu nahi dutenek, aldiz, ez. Emaitzari beldur diote, agian?

Euskal Herria, 7 herrialde eta 3 marko juridiko
Araba, Bizkaia, Gipuzkoa, Nafarroa, Lapurdi, Nafarroa Beherea eta Zuberoa dira euskaldunen herria eratzen duten herrialdeak. Gaur egun, lehenengo hirurak Euskal Autonomia Erkidegoan (EAEn) daude eta Nafarroako Foru Komunitatearen kasuan bezala, euren gestio eta burujabetza espainiar Estatuarengandik daude mugaturik, marko autonomiko motz batean. Ipar Euskal Herriko egoera zuzenean zentralismo frantsesaren menpekotasun osoa da, eta nahiz eta bertakoen gehiengoak horrela eskatu, ez dauka inongo erakunde propiorik.

Herri txiki bat munduan, pertsona guztiei zabalik
Beste era batera izan ez zitekeen moduan, diktadura faxistaren ondorioz bere seme-alabak munduko bazterretara bidali zituen herria, harrera, elkarretaratze eta kultur aniztasunerako gune bat da. Gizarte bazterketa, arrazakeria eta xenofobia migrazio fluxu handiekin batera, mundu mailako sistema bidegabe den globalizazio kapitalistaren eta Euskal Herrian kanpokoak diren gobernuek egindako beronen zorigaiztoko kudeaketaren ondorio dira. Beste mundu bat posible delako, eraiki dezagun denontzako eta denon arteko herria.

Frantzia eta Espainia: euskal herria menperatzen (edozein biderekin)
1937an, Durango herri bizkaitarra, eta egun batzuk geroago, Gernika, hegazkin naziek eraso zituzten. Inolako defentsarik gabeko biztanleria zibilaren aurka egindako bonbardaketa horrekin, bidegabekeriaren eta diktadurari oposatu eta herri bezala dagozkien eskubideak eskatzen zituztenen aurka noraino hel daitekeen frogatu zuen botereak. 70 urte beranduago, gobernuek gerrak eta diktadurak inposaturiko lurralde eta gizarte banaketa erabiltzen jarraitzen dituzte, bide demokratikoei aukerak ukatuz.

Etorkizuna Bakean, inolako indarkeriarik gabe
Bakea balore bat da bere baitan, eta euskal herriak ez dio berari ukorik egiten. Bakea, gainera, ez da gerrarik gabeko egoera soila, baizik eta elkartasunaren, herri borondatearen errespetuaren, eta batez ere, gizarte justiziaren ondorio. Tortura, desagertu, armada, indar eta erakunde armatuen existentziaren aurrean, aske izateko gure borondate irmo eta baketsua.

Autodeterminazioa, herriaren ahotsa
Bai, gure eskubidea delako. Herri bezala desagerrarazi nahi eta demokrazia ekitaldi bat baino ez den herriaren erabaki librearen aurka daudenak, euren burua antidemokrata bezala erakusten dute. Demokraziaren ezarpenaren aurrean autoritarismo onartezin bat proposatzen dute. EZ esaten diogu inposaketari eta BAI demokraziari: Gure etorkizuna gurea da, erabaki nahi dugu, erabakiko dugu.